Си Цзиньпиннинг Японияга ташрифи коронавирус сабабли қолдирилди - ОАВ

Хитой раиси Си Цзиньпиннинг Японияга ташрифи коронавирус эпидемияси сабабли қолдирилди.

Фото: REUTERS

Бу ҳақда The Asahi Shimbun япон нашри маълум қилди.

Япония ҳукуматидаги манбалар маълумотларига кўра, Токио ва Пекин Си Цзиньпиннинг ташрифини энг камида кузгача қолдиришга келишиб олган. Таъкидланишича, жорий ҳафта давомида тегишли қарор қабул қилиниб, у ҳақда расман эълон қилинади.

Хитой раиси Японияга 2008 йилдан бери сафар қилмаган. Токио Си Цзиньпиннинг даставвал апрелга режалаштирилган ташрифига алоҳида аҳамият қаратмоқда. Жумладан, Япония бош вазири Синдзо Абэ ушбу ташриф икки давлат муносабатларидаги янги даврни очишини бир неча маротаба айтиб ўтган.

Тайёрлаган: Шуҳрат Раҳимов

#Япония #Си Цзиньпин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.