Японияда коронавирус сабабли F-35 қирувчи самолётларини ишлаб чиқариш тўхтатилди

F-35 самолётларининг асосий қисми Техасдаги заводда ишлаб чиқарилади, аммо иттифоқчиларга мўлжалланган қирувчиларнинг бир қисми Япония ва Италиядаги заводларда ишлаб чиқарилади.

Фото: Flickr

Американинг Lockheed Martin корпорацияси коронавирус хавфи сабабли Япониядаги заводида F-35 қирувчи самолётларини ишлаб чиқаришни тўхтатди. Бу ҳақда Defense One портали АҚШ мудофаа вазирининг харидлар бўйича ўринбосари Эллен Лордга таяниб хабар берди.

"Ўйлашимча, улар ишни бир ҳафтага тўхтатишга қарор қилди", - дея ундан иқтибос келтиради портал.

Лорднинг сўзларига кўра, Италиядаги заводда эса ходимлар масофадан ишлашга ўтган.

Lockheed Martin F-35 самолётларининг асосий қисмини Техасдаги заводида ишлаб чиқаради, аммо иттифоқчиларга мўлжалланган қирувчиларнинг бир қисми Япония ва Италиядаги заводларда ишлаб чиқарилади.

Аввалроқ Коронавирусга чалиниш хавфини камайтириш мақсадида Ҳонгконг, Япония ва Жанубий Кореядаги Twitter ходимлари масофадан ишлашга ўтгани хабар қилинганди.

Тайёрлаган Дилшод Аскаров

#Япония #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.