Қўшимча функционаллар
-
Тунги кўриниш
Афғонистонда бош вазир иштирокидаги маросимда уюштирилган ҳужум оқибатида 30га яқин киши ҳалок бўлди
НАТОдаги манба ҳалок бўлганлар сони анча кўплигини – 30дан ортиқ киши ҳалок бўлгани, 42 киши жароҳатланганини, улардан 20 нафарининг аҳволи оғир эканлигини билдирган.
Фото: AP
Афғонистон пойтахтида мамлакат бош вазири Абдулла Абдулла иштирокидаги маросимда уюштирилган ҳужум оқибатида 29 киши ҳалок бўлди. TOLO News телеканали мамлакат ички ишлар вазирлигига таяниб хабар беришича, яна 61 киши жароҳатланган.
Аввалроқ Reuters агентлиги мужоҳидлар етакчиси Абдулла Али Мозорийнинг вафотига бир йил тўлиши муносабати билан ўтказилган маросимда камида 27 киши ҳалок бўлганини хабар қилганди.
Ўз навбатида НАТОдаги манба ҳалок бўлганлар сони анча кўплигини – 30дан ортиқ киши ҳалок бўлгани, 42 киши жароҳатланганини, улардан 20 нафарининг аҳволи оғир эканлигини билдирган.
Отишма Афғонистон собиқ президенти Карим Халилийнинг сўзга чиқиши вақтида бошланган. Афғонистон бош вазири воқеа жойини зудлик билан тарк этган.
Хабар қилинишича, "Толибон" ҳаракати ушбу воқеага алоқадорлигини рад этган.
Аввалроқ Афғонистон миллий хавфсизлик кенгаши вакили Жавид Файсал толиблар тинчлик келишуви шартини бузганини айтганди.
Мавзуга оид
23:39 / 27.04.2026
Покистон афғон университетини ўққа тутди: 7 киши ҳалок бўлди, ўнлаб кишилар яраланди
11:30 / 23.04.2026
Афғонистон гиёҳванд моддалардан тозаланади – вазир ўринбосари жаҳон ҳамжамиятини ҳамкорликка чақирди
16:40 / 20.04.2026
Киевдаги теракт вақтида полициячилар ёш болани ташлаб, қочиб кетди. Тафсилотлар
09:06 / 19.04.2026