Грециянинг янги президенти Екатерина Сакелларопулу қасамёд келтириб, ўз лавозимини бажаришга киришди. Қасамёд маросими Греция парламентининг махсус йиғилишида бўлиб ўтди.
Фото: EPA/UPG
Сакелларопулу Грециянинг илк аёл президенти ҳисобланади. У ўз қасамёдида мамлакат конституцияси ва қонунларини муҳофаза қилишга, Греция мустақиллиги ва суверенитетини ҳимоялашга, Греция халқининг озодлиги ва ҳуқуқларини асрашга ва унинг манфаатларига хизмат қилишга онт ичган.
Греция президенти ваколатлари асосан вакиллик вазифалари билан чекланган ва ижро ҳокимиятига эга эмас. Асосий ҳокимият бош вазирга тегишли. Президент мамлакатни халқаро майдонда билдиради, келишувларни имзолайди, бош вазирни белгилайди, дипломатик вакилларни қабул қилади.
