Коронавирус: Испанияда бир кунда 1500 та янги ҳолат қайд этилди

Фото: Reuters

Жума ва шанба кунларининг ўзида Испанияда 1500 дан ортиқ янги коронавирус билан боғлиқ ҳолатлар аниқланган.

Aйни вақтда уларнинг сони 7553 га етди ва бу Европада Италиядан кейин иккинчи ўрин деганидир.

Aввалданоқ мамлакатда фавқулодда ҳолат эълон қилиниши кутилган эди. Шу сабабли ҳукумат вирусга қарши курашиш учун барча зарур чораларни кўришни бошлаган.

Бош вазир Педро Санчес томонидан ўтказиладиган ҳукумат йиғилишида ҳам бу ҳолат ҳақида янада атрофлича маълумот берилиши кутилмоқда.

Шанба куни мамлакат ўз фуқаролари соғлиғини яхшироқ ҳимоя қилиш учун фавқулодда чоралар кўрилиши тўғрисида ҳам айтиб ўтилган.

Ўтган якшанба кунидан буён Испанияда зарур чоралар кўриш юзасидан ишлар бир неча баробарга кучайтирилиб, барлар, ресторанлар, спорт ва маданий муассасалар ёпиб қўйилди.

Aйни вақтга келиб Испанияда жами 136 киши ушбу касалликдан вафот этган.

#Испания #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.