Москвадаги 4 та олий таълим муассасаси коронавирус сабабли масофадан ўқитишни бошлайди

Москвадаги 4 та олий таълим муассасаси коронавирус тарқалиши хавфи сабабли Россия фан ва олий таълим вазирлиги тавсиясига кўра масофадан ўқитиш шаклига ўтади.

“Биз эртадан 2 апрелгача масофадан ўқитиш шаклига ўтамиз”, деб айтган Москва давлат халқаро муносабатлар институти (МГИМО) матбуот котиби Виктория Калашникова.

Шунингдек, 17 мартдан М.В.Ломоносов номидаги Москва давлат университетида ҳам масофадан ўқитиш бошланади.

Бундан ташқари, Н.Э.Бауман номидаги Москва давлат техника университети 23 мартдан, Г.В.Плеханов номидаги Россия иқтисодиёт университети 17 мартдан 21 мартгача масофадан ўқитишга ўтиши эълон қилинган.

14 мартдан Москва ва Москва областида ўқувчиларга мактабларга эркин тарзда қатнашга рухсат берилган.

Тайёрлаган Шуҳрат Раҳимов

#Москва #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.