Салкам ярим килограмм гашиш гиёҳвандлик воситасининг ноқонуний айланмасига чек қўйилди
Гиёҳвандлик воситаларини юртимизга ноқонуний олиб кириш, шунингдек, улар билан ноқонуний муомалада бўлиш қатъиян тақиқланган ва жиноий жавобгарлик билан белгилаб қўйилган. Бу каби қонунбузилиш ҳолатларининг олдини олиш мақсадида божхона органлари томонидан тизимли равишда тезкор тадбирлар олиб борилмоқда.
Хусусан, Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари Давлат хавфсизилиги хизмати вакиллари билан ҳамкорликда Наманган шаҳрида наркотик моддаларнинг яширин айланмасига қарши тезкор тадбир ўтказишди.
Ўтказилган тадбир давомида фуқаро И.А Наманган шаҳридаги “Нурафшон” МФЙ ҳудудида тўхтатилиб, холислар иштирокида кўздан кечирилди.
Натижада, унинг қўлидаги сумкаси ичидаги шоколад қутисига уддабуронлик билан яширилган жами 493,89 грамм “Гашиш” гиёҳвандлик моддаси борлиги аниқланди.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.
Мавзуга оид
09:10 / 01.10.2024
Тошкентда хонадонида 38 кг гиёҳвандлик воситасини сақлаб келган шахс ушланди
11:30 / 24.09.2024
18 кгдан зиёд синтетик гиёҳвандлик моддасини олиб киришга уриниш фош қилинди
10:32 / 09.08.2024
ДХХ гиёҳвандлик воситаларининг ноқонуний айланмасига чек қўйди
10:37 / 26.07.2024