Тожикистон 20 март соат 00.00дан бошлаб хорижий ҳамда маҳаллий авиакомпаниялар томонидан бажарилувчи барча халқаро рейсларни тўхтатади.
Фото: Сергей Бобылев/ТАСС
Бу ҳақда Тожикистон фуқаролик авиацияси агентлигида маълум қилинган.
Маълумотларга кўра, уч ички йўналиш - Душанбе-Хўжанд, Душанбе-Кулоб ва Душанбе-Хорог бўйича маҳаллий авиарейслар жадвал бўйича бажарилади. Таъкидланишича, бу чоралар Тожикистон ҳудудига коронавирус кирмаслиги учун қабул қилинган. Тақиқлов 2 ҳафта давом этади.
Айни вақтда Тожикистонда коронавирусга чалиниш ҳолатлари қайд этилмаган.
