Евроиттифоқ мамлакатларига киришга қўйилган чеклов узайтирилиши мумкин

Коронавирус тарқалиши сабабли ЕИ мамлакатлари 18 март куни учинчи давлатлар фуқароларининг Евроиттифоқ ҳудудига зарур бўлмаган сафарларини тақиқлаш тўғрисида қарор қабул қилганди.

Фото: Reuters

Евроиттифоқ мамлакатлари учинчи давлат фуқароларининг киришларига қўйилган тақиқни коронавирус тарқалиши билан боғлиқ вазиятдан келиб чиқиб узайтириши мумкин. Бу ҳақда Европа комиссияси расмий вакили Адальбер Янц маълум қилди.

"Дастлаб қарор 30 кунга қабул қилинганди, аммо вазиятнинг ривожланишидан келиб чиқиб узайтирилиши мумкин", - деди Янц.

Унинг қўшимча қилишича, Ирландиядан ташқари, ЕИ давлатлари ва Шенген ҳудуди билан боғланган барча мамлакатлар сафарларни чеклаш тўғрисидаги қарорга амал қилмоқда.

#ЕИ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.