Қўшимча функционаллар
-
Тунги кўриниш
Қозоғистонда коронавирус аниқланган яна бир бемор тузалиб кетди
Бу Қозоғистонда COVID-19 аниқланган дастлабки беморлардан бири бўлган эркак киши экани айтилади
Фото: Inbusiness.kz
Коронавирус инфекциясини юқтирган қозоғистонлик учинчи фуқаро Олмаотадаги касалхонадан чиқарилди, деб хабар бермоқда Coronavirus2020.kz.
Бу Қозоғистонда COVID-19 аниқланган дастлабки беморлардан бири бўлган эркак кишидир.
Жамоат соғлиқни сақлаш бошқармаси маълумотларига кўра, унинг назорат таҳлили натижалари салбий бўлган.
«Бу бемор 13 мартга ўтар кечаси Берлин - Минск - Олмаота рейси билан Олмаотага келган эркак киши. У вирусга қарши даволаш ва симптоматик терапиянинг тўлиқ курсини олди. Касаллик енгил кечди. Даволаниш даврида асоратлар кузатилмади. Ҳозир у 14 кунлик карантинга чиқарилди, уйида тиббий ходимлар назорати остида бўлади», - дея хабар қилди шифокорлар.
Бундан олдин, Олмаотага карантин сабабли ҳарбий техника киритилганди.
Коронавирус
