Италияда коронавирус юқтирганлар сони 100 минг кишидан ошди

Жонс Хопкинс университетининг маълумотларига кўра, Италия коронавирус инфекциясидан вафот этганлар сони бўйича дунёда етакчи бўлиб турибди. Касаллик юқтирганлар сони бўйича эса АҚШдан кейин иккинчи ўринда.

Фото: Getty Images

Италияда COVID-19 коронавирусини юқтирганлар сони 101 мингдан ошди, деб хабар берди Corriere della Sera газетаси.

30 март ҳолатига кўра, 14,6 мингдан ортиқ бемор тузалган, 11,5 мингдан ортиқ киши вафот этган.

Шу тариқа, ҳозирда Италияда касалликка чалинганлар сони 75,5 мингдан ортиқ кишини ташкил этмоқда. Ўтган суткада касаллик юқтириш билан боғлиқ 1648 та ҳолат қайд этилган.

Энг кўп касалланганлар Ломбардияда қайд этилган. Регион губернатори Аттилио Фонтананинг сўзларига кўра, инфекциянинг тарқалиш суръати пасайган, аммо бу одамлар оддий ҳаётга қайтишлари мумкинлигини англатмайди. У кейинги кунлардаги яхши хабарлардан сўнг кўчаларда одамлар ва машиналар кўпайгани кузатилганини қайд этди ва ҳукуматни назоратни бўшаштирмасликка чақирди.

Тайёрлаган Дилшод Аскаров

#Италия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.