Асака ИИБ аҳолига озиқ-овқатни бепул етказиб берувчи 10та машинани ташкил этди 

Андижон вилояти Асака тумани ИИБ мутасаддилари ташаббуси билан, карантин даврида намунали жамоат тартибини сақлаш ва ўрнатилган карантин тартибларига риоя этилишини таъминлаш мақсадида, аҳолига озиқ-овқатини бепул етказиб бериш билан шуғулланувчи автомобиллар ажратилди. 

Kun.uz'га маълум бўлишича, Асака туманида мавжуд бўлган жами 74та маҳалланинг марказий жойларига озиқ-овқат маҳсулотлари ярмаркалари ташкил этилган бўлиб, ушбу ярмаркаларда аҳоли учун зарур бирламчи товарлар оширилмаган нархларда сотилмоқда. 

Шунингдек, туман ҳудудида хизмат кўрсатувчи Royal Taxi корхонасига қарашли 90та енгил автомобиль ҳам озиқ-овқат етказиб беришга жалб этилган.