Қўшимча функционаллар
-
Тунги кўриниш
Экспортчилар уюшмаси йирик тадбиркорлар ва экспортёрларнинг мутахассисларига махсус рухсатнома олишда кўмаклашади
Йирик тадбиркорлар ва экспортёрлар ҳам Ўзбекистон экспортчилари уюшмаси орқали транспорт ҳаракати учун талаб этиладиган махсус рухсатнома олиши мумкин. Бу ҳақда Ўзбекистон экспортчилари уюшмаси раисининг жамоатчилик масалалалари бўйича маслаҳатчиси Фотима Қўчқорова Kun.uz’га маълум қилди.
Маълум қилинишича, 2 апрель кунидан кучга кирган келишувга кўра, уюшма Иқтисодий тараққиёт ва камбағалликни қисқартириш вазирлигига стикер олишга рухсат сўраётган йирик корхоналар ва тадбиркорларнинг зарурий мутахассисларининг автомашиналарига истисно тариқасида руйхатини тақдим этади. Шундан сўнг тасдиқланган ҳужжат Адлия вазирлигига киритилади.
Бунинг учун стикер олишга талабгор юридик шахс корхона номи ва иш фаолияти нимадан иборатлиги тўғрисида аризани киритиши лозим.
Уюшмага қилинган мурожат эса маълум муддат оралиғида кўриб чиқилади ва барча талабларга жавоб берсагина стикер олувчилар рўйхатига киритилади.
«Айни мавзуда уюшмага кунига 400дан ортиқ мурожаат ва саволлар келиб тушаётганини ҳисобга олган ҳолда масалага жиддий эътибор қаратилди. Бу имкониятдан қўштирноқ ичидаги «уддабурон тадбиркорлар» фойдалана олмасликлари учун, Ўзбекистон экспортчилари уюшмаси аниқ маълумотларга таяниб аризаларни кўриб чиқади ва «премиум класс»даги автомобиллар стикер олувчилар рўйхатига киритилмайди», дейди уюшма вакили.
Коронавирус Ўзбекистонда
Мавзуга оид
23:03 / 12.08.2020
15 августдан машинада кун давомида ҳаракатланиш мумкин бўлади
16:42 / 03.08.2020
Экспортчилар уюшмаси раисининг Kun.uz'да эълон қилинган мурожаатидан сўнг, Фарғонада тадбиркорларнинг транспортда ҳаракатланишига қўйилган чеклов олиб ташланди
11:58 / 17.07.2020
Дам олиш кунлари автотранспортлар ҳаракати чекланади. Кимларга рухсат бор?
12:58 / 09.07.2020