ОПЕК+ мамлакатлари 6 апрелда ўтказилиши режалаштирилган шошилинч учрашув муддатини кейинроққа сурди. Бу ҳақда ўз манбаларига таяниб Reuters хабар берди.
РИА Новостининг хабар беришича, саммит 9 апрелда ўтказилади.
Аввалроқ Саудия Арабистони ОПЕК+ қатнашчи-давлатлари ва бошқа давлатларни зудлик билан учрашув ўтказишга чақирганди.
Россия президенти Владимир Путин эса ОПЕК+ ва АҚШ билан биргаликда нефть қазиб олишни қисқартиришга тайёрлигини билдирди.