Афғонистонда янги ташқи ишлар вазири тайинланди

Афғонистон президенти Ашраф Ғани миллий хавфсизлик бўйича собиқ маслаҳатчиси Муҳаммад Ханиф Атмарни ташқи ишлар вазири этиб тайинлади.

Муҳаммад Ханиф Атмар / Фото: twitter

Бу ҳақда 1TV News телеканали хабар берди.

Аввал бу лавозимни Хорун Чохонсурий эгаллаган.

Таъкидланишича, Атмар аввал ҳам вазир лавозимларини эгаллаган. Жумладан, у Афғонистон қишлоқ хўжалигини тиклаш ва ривожлантириш вазири, таълим вазири ва ички ишлар вазири лавозимларини эгаллаган. 2019 йилда президент сайловларида иштирок этмоқчи бўлган ва номзод сифатида рўйхатдан ўтган, бироқ кейинроқ номзодини қайтиб олган.

Ҳозирча Атмар вазир лавозимини бажарувчи бўлиб фаолият юритади. Унинг тайинлови парламент томонидан маъқуллангач, расман лавозимни эгаллайди.

#Афғонистон #Муҳаммад Ханиф Атмар