Қўшимча функционаллар
-
Тунги кўриниш
ОТМ илмий анжуманлари онлайн шаклга ўтказилади - вазирлик
Олий ва ўрта-махсус таълим вазирлиги ахборот хизмати раҳбари Фарҳод Бабашев ОТМ илмий анжуманлари қолдирилмаслиги, бундай тадбирлар онлайн тарзда ўтказилишини маълум қилди.
«ОТМ илмий анжуманлари қолдирилмайди, онлайн шаклда ўтказилади. Бунда тезислар ва маърузаларни қабул қилиш, уларни етакчи олимлар томонидан таҳририй қайта ишлаш, тўпламларни чоп этиш замонавий ахборот коммуникацияларидан фойдаланган ҳолда амалга оширилади. Яъни, анжуманда қатнашиш учун ташкилотчилар ва иштирокчиларнинг уйидан чиқиши талаб этилмайди.
Яқин кунларда ҚҚДУ, БухДУ, ТДПУ, ҚўқонДПИ, НавДПИ ва бошқа ОТМларда онлайн анжуманлар ўтказиш режалаштирилган. Масалан, бугун, 9 апрель куни, Низомий номидаги ТДПУда Соҳибқирон Амир Темур бобомиз таваллудининг 684 йиллигига бағишлаб «Cоҳибқирон Амир Темурнинг жаҳон тарихида тутган ўрни» мавзусида онлайн конференция ўтказилмоқда.
Халқаро анжуманларни ҳам шу тартибда ўтказиш режалаштирилган. Масалан, жорий йил 19-20 май кунлари БухДУда «Ислом цивилизациясида Бухоро маънавий-маърифий меросининг умумбашарий аҳамияти» мавзусида халқаро илмий-амалий анжуман онлайн тартибда ўтказилиши эълон қилинган. Онлайн анжуманлар тўғрисидаги янгиликларни вазирлик расмий веб-сайти ва телеграм каналини кузатиб бориш тавсия этилади», деди Бабашев.
Коронавирус Ўзбекистонда
Мавзуга оид
20:59 / 22.08.2025
Олийгоҳ ва лицейларда дарслар қачон бошланиши маълум қилинди
18:02 / 17.04.2024
Хусусий олий таълим: тижорий манфаат ва сифатли таълим мувозанати қандай топилади?
08:09 / 16.11.2020
Битирувчиларнинг ОТМга кириш кўрсаткичлари бўйича энг катта ўсиш икки вилоятда қайд этилди
00:18 / 16.11.2020