Италияда коронавирус қурбонлари сони бўйича уч ҳафта давомидаги энг паст кўрсаткич қайд этилди

Мамлакатда коронавирусга чалинганлар сони 156 мингдан ошди, вафот этганлар сони 20 мингга яқинлашди.

Фото: Getty Images

Италияда коронавирус қурбонлари сони бўйича кейинги уч ҳафта давомидаги энг паст кўрсаткич қайд этилди - сутка давомида 431 киши вафот этди. Бу ҳақда мамлакат мудофаа хизмати раҳбари Анжело Боррелли маълум қилди.

Бу 19 мартдан буён қайд этилган энг паст кўрсаткичдир. Ўша куни бир суткада 427 киши вафот этган, сўнгра ўлимлар сони ўсиши тезлашганди.

Мамлакатда 27 март куни антирекорд қайд этилди, бир суткада 969 киши коронавирусдан вафот этди.

Италияда коронавирусга чалинганлар сони 156 мингдан ошди, вафот этганлар сони 20 мингга яқинлашди.

Тайёрлаган Дилшод Аскаров

#Италия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.