БМТнинг 180дан ортиқ ходими коронавирусга чалингани маълум қилинди

Бирлашган Миллатлар Ташкилотининг коронавирус юқтирган ходимлари сони 189 кишига етди. Бу ҳақда БМТ бош котиби расмий вакилининг ўринбосари Фархон Хақ маълум қилди.

Фото: iStock

"БМТдаги ҳолатларга келсак, якшанба кечқурунги маълумотларга кўра, бутун дунё бўйича касалликка чалинган ходимларимиз сони 189 нафар, уч киши вафот этди", - деди Ҳақ.

Аввалроқ БМТ бош котиби Антониу Гутерриш COVID-19 пандемиясини дунё тинчлигига таҳдид ўлароқ баҳолаганди.

Унинг фикрича, ижтимоий тартибсизлик ва зўравонликларнинг кучайиши ўз навбатида дунё ҳамжамиятининг касалликка қарши курашиш қобилиятини ҳам пасайтириш мумкин.

«Бу – Бирлашган Миллатлар Ташкилоти ташкил этилганидан буён ўтган 75 йиллик даврдаги энг жиддий синов. Аллақачон халқаро, минтақавий ва миллий низоларни ҳал этишда тўсқинлик қилмоқда», – деганди Гутерриш.

Сўнгги маълумотларга кўра, дунё бўйича коронавирусга чалинганлар сони 1 млн 800 мингдан ошган, 117 500 дан ортиқ киши вафот этган.

#БМТ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.