Ferrari заводи ўпкани сунъий шамоллатиш ускуналари учун бутловчи қисмлар ишлаб чиқара бошлади

Маранеллодаги Ferrari заводи ўпкани сунъий шамоллатиш ускуналари учун клапан ва маҳкамлагичлар ишлаб чиқармоқда.

Италиянинг спорт автомобиллари ишлаб чиқарувчи Ferrari компанияси коронавирусга қарши курашга қўшилди. Маранеллодаги Ferrari заводи ўпкани сунъий шамоллатиш ускуналари учун клапан ва маҳкамлагичлар ишлаб чиқармоқда. Бу ҳақда La Gazzetta dello Sport нашри хабар берди.

Тайёр ускуналар фавқулодда вазиятларнинг олдини олиш идорасига жўнатилади, бу ерда эса касалхоналарга тақсимланади.

Италияда коронавирус илк бор январда аниқланганди. Мамлакат ҳукумати Европада биринчилардан бўлиб карантин чораларини жорий этганди.

Ўтган ҳафталарда Италия коронавирусдан ўлимлар сони бўйича Европада биринчи ўринни эгаллади. Мамлакатнинг 172 мингдан ортиқ фуқаросида касаллик аниқланган бўлиб, 23 минг киши вафот этди.