АҚШнинг 20дан ортиқ ҳарбий кемасида коронавирусга чалиниш ҳолатлари аниқланди

Шу билан бирга, денгизда бўлган 90та ҳарбий кеманинг бирортасида ҳам коронавирусга чалиниш ҳолати қайд этилмаган. Ҳозирда АҚШ ҳарбий-денгиз кучлари таркибида 297 та ҳарбий кема мавжуд.

Фото: AP

Американинг 26 та ҳарбий кемасида денгизчиларнинг коронавирусга чалиниши ҳолатлари аниқланди. Бу ҳақда АҚШ ҳарбий-денгиз кучлари маълум қилди.

Яна 14та кемада касалланганлар аниқланган, аммо улар тузалиб кетишган.

Барча кемалар ҳозирда базада турибди. Шу билан бирга, денгизда бўлган 90та ҳарбий кеманинг бирортасида ҳам коронавирусга чалиниш ҳолати қайд этилмаган. Ҳозирда АҚШ ҳарбий-денгиз кучлари таркибида 297 та ҳарбий кема мавжуд.

Қўмондонлик айнан қайси кемаларда касалланганлар аниқланганини маълум қилмаган, аммо 1298 нафар денгизчи касаллик юқтиргани қайд этилган.

Тайёрлаган Дилшод Аскаров

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.