Афғонистонда озиқ-овқат тақсимланиши ортидан келиб чиққан норозиликлар вақтида етти киши ҳалок бўлди
Мамлакат ҳукумати пандемия сабабли муҳтожларга озиқ-овқат маҳсулотлари тарқатиш тўғрисида қарор қабул қилганди.
Афғонистоннинг Ғўр вилоятида содир бўлган можаро оқибатида тўрт фуқаро, икки нафар полициячи ва бир журналист ҳалок бўлди. TOLOnews телеканалининг хабар қилишича, можаро фуқароларнинг озиқ-овқат маҳсулотлари тақсимланишида адолатсизликка йўл қўйилмоқда деб ҳисоблаши ортидан келиб чиққан.
Телеканалнинг маълумот беришича, яна 10 полициячи ва тўққиз нафар тинч аҳоли вакиллари жароҳатланган.
Reuters агентлигининг хабарига кўра, 300га яқин киши норозилик намойиши ўтказган, айримлар губернатор қароргоҳига киришга уринган. Ҳокимият вакилининг сўзларига кўра, намойишчилар ўт очиши бошлаганидан сўнг полиция уларга қарата ўқ узган.
Мамлакат ҳукумати пандемия сабабли муҳтожларга озиқ-овқат маҳсулотлари тарқатиш тўғрисида қарор қабул қилганди.
Маълумотларга кўра, Афғонистонда коронавирус юқтирганлар сони 4 мингдан ошган, 115 киши вафот этган.
Мавзуга оид
23:22 / 24.09.2024
БМТ Афғонистонда аёлларга қўйилган барча чекловларни олиб ташлашни талаб қилди
19:37 / 24.09.2024
Муҳожирлардан ҳимояланиш учун: Эрон Афғонистон билан чегарада девор қурмоқда
00:28 / 19.09.2024
Дунёда бир ой ичида қарийб 50 минг кишида вабо аниқланди
19:07 / 13.09.2024