Германия ҳукумати 15 июнгача чегараларни тўлиқ очишни мўлжалламоқда - ОАВ

Германия канцлери Ангела Меркель Франция президенти Эмманюэл Макрон ва Австрия канцлери Себастьян Курц билан чегараларни очиш масаласини муҳокама қилган.

Фото: AP

Германия ҳукумати коронавирус пандемияси сабабли ёпилган қўшни давлатлар билан чегараларини 15 июнгача очиш ва назоратдан буткул воз кечишни режалаштирмоқда. Бу ҳақда мамлакат ташқи ишлар вазирлигидаги манбаларига таяниб Bild газетаси хабар берди.

Нашрнинг хабарига кўра, ҳукумат ўз режалари тўғрисида келаси ҳафтада расман маълум қилади. Назорат ўрнига оддий текширувни жорий этиш кўзда тутилмоқда.

Германия канцлери Ангела Меркель Франция президенти Эмманюэл Макрон ва Австрия канцлери Себастьян Курц билан чегараларни очиш масаласини муҳокама қилди, деб ёзади газета.

Меркель вазирлар маҳкамаси йиғилишида Париж чегарадаги одатий режимга қайтишга ҳозирча тайёр эмаслигини, аммо июнь ўрталарига келиб илгариги тартибни тиклашни мўлжаллаётганини айтган.

Германия 16 мартдан Австрия, Дания, Люксембург, Франция ва Швейцария билан, кейинроқ Бельгия, Нидерландия, Польша ва Чехия билан чегараларини ёпганди.

Тайёрлаган Раҳматилла Исроилов

#Германия #чегара

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.