Трамп коронавирус сабабли икки яқин дўстини йўқотганини сўзлаб берди

АҚШ президенти коронавирус сабабли 5 таниши вафот этганини ва бу “аянчли ҳол” эканини маълум қилди.

Фото: REUTERS/Carlos Barria

Дональд Трампнинг таъкидлашича, унинг икки яқин дўсти коронавирусга чалингач ҳаётдан кўз юмган. АҚШ президенти бу ҳақда Пенсилвания штатида тиббий воситаларни тақсимлаш маркази ходимлари олдидаги нутқида сўзлади.

“Мен 5 танишимни йўқотдим, улардан 2 нафари билан жуда қалин дўст эдик”, деб айтган Трамп.

Унинг таъкидлашича, грипп ёки шамоллашда одамлар одатда 2 кундан кейин ўзларини яхши ҳис қила бошлайдилар, бироқ коронавирус билан боғлиқ вазиятда дўстларининг аҳволи тобора оғирлашиб борган.

“Сиз улар ўзларини қандай ҳис қилаётганларини билиш учун 2 кундан кейин қўнғироқ қилсангиз, сизга “Сэр, улар комада”, деб жавоб қилишади”, деб айтган Трамп.

Бироқ АҚШ президентининг тан олишича, танишлари коронавирусга чалинишгача ҳам соғлиқларида муаммоларга эга бўлганлар.

Тайёрлаган: Шуҳрат Раҳимов

#Дональд Трамп #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.