Британияга келадиганлар икки ҳафталик карантинга жойлаштирилади

Мамлакат ички ишлар вазири Прити Пател Пател ушбу чоралар коронавируснинг иккинчи тўлқини содир бўлишига йўл қўймаслик учун қабул қилинганини айтди.

Фото: AP Photo / Frank Augstein

8 июндан бошлаб Буюк Британияга келадиган барча шахслар икки ҳафталик карантинни ўташлари керак бўлади. Бу ҳақда мамлакат ички ишлар вазири Прити Пател маълум қилди.

"Барча хориждан келадиганлар 14 кунлик карантинни ўташлари шарт. Янги қоида 8 июндан кучга киради", - деди Пател.

Британия чегарасини кесиб ўтаётганлар ўзларининг алоқа маълумотларини қолдиришлари лозим бўлади. Карантинга риоя қилинишини назорат қилиш учун текширувлар ўтказилади. Ўзини-ўзи изоляция қилиш режимини бузганлик учун жарима минг фунт стерлингни ташкил этади.

Пател ушбу чоралар коронавируснинг иккинчи тўлқини содир бўлишига йўл қўймаслик учун қабул қилинганини айтди.

Сўнгги маълумотларга кўра, Буюк Британияда коронавирусга чалинганлар сони 254 мингдан ошган, 36,3 мингдан ортиқ киши вафот этган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.