АҚШда коронавирус қурбонлари сони 100 мингдан ошди

Сервиснинг охирги маълумотларига кўра, АҚШда эпидемия бошидан бери 1,7 млндан кўпроқ киши коронавирусга чалинган, улардан 100103 нафари унинг қурбони бўлган. Таъкидлаб ўтиш жоиз, АҚШ коронавирусга чалинганлар ва ундан вафот этганлар сони бўйича дунёда 1-ўринда турибди. 

Шунингдек, коронавирусдан ўлимлар сони бўйича Британия 2-ўринда (37048 ўлим), Италия 3-ўринда (32955 ўлим) турибди. 

Аввалроқ Бразилия коронавирусдан бир кун ичида вафот этганлар сони кўпайиши бўйича дунёда “етакчи”га айлангани маълум қилинганди. Сўнгги суткада Лотин Америкаси давлатида 807 киши коронавирусдан вафот этган. Бразилия бу борада АҚШдан ўзиб, 1-ўринга чиққан. Мамлакатда умумий ҳисобда 23622 киши коронавирус қурбонига айланган. АҚШ президенти Бразилияда коронавирус билан боғлиқ вазият оғирлиги сабабли, ушбу мамлакатга охирги 2 ҳафта ичида ташриф буюрган хорижликларга АҚШга киришни тақиқлаб қўйди.