Қозоғистон президентининг матбуот котиби коронавирус юқтириб олганини маълум қилди

У шунингдек, мамлакат президенти Қосим-Жўмарт Тўқаев белгиланган жадвал асосида ишлаётганлиги, президентнинг соғлигига ҳеч нарса хавф солмаётганлигини таъкидлади.

Қозоғистон президентининг матбуот котиби Берик Курмангали COVID-19 коронавирус инфекциясига топширган тести мусбат чиққанлигини маълум қилди.

"Афсуски, барча эҳтиёт чораларига қарамасдан, коронавирусга топширган охирги тестим натижаси мусбат чиққанлигини маълум қилмоқчиман. Ҳозирда шифохонада шифокорлар кузатувидаман", - деб ёзди у ўзининг Facebook саҳифасида.

Курмангалининг сўзларига кўра, унинг саломатлиги ҳолати қониқарли.

"Давлат раҳбари мунтазам равишда тест топширмоқда. Оқўрдада санитария режими кучайтирилди, хавфсизлик чоралари кескинлаштирилди", - деб ёзди Курмангали.

Қозоғистонда коронавирус юқтирганлар сони 12,5 мингдан ортик бўлиб, 53 киши вафот этган.

Тайёрлаган Дилшод Аскаров

#Қозоғистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.