Коронавирусдан соғайгандан кейин айрим асоратлар кузатилиши мумкин – Нурмат Отабеков

“Даволанган одамлар учун коронавируснинг оқибатлари бир нечта омилларга боғлиқ: инсон иммунитети ва сурункали касалликлар. Соғайгандан кейин бир неча ҳафта давомида қуйидаги асоратлар учраши мумкин:

• тез юриш, зинапояга чиқишда ёки жисмоний зўриққанда нафас қисилиши;
•  иситмасиз ва балғамсиз йўтал;
•  сурункали касалликларнинг кучайиши.

Шунинг учун даволангандан сўнг иммунитетни кучайтиришга, витаминларга бой озиқ-овқат маҳсулотларини истеъмол қилишга, кунда бир неча бор нафас гимнастикасини бажаришга ва хоналарни доим шамоллатиб туришга аҳамият бериш керак”, дея Нурмат Отабековнинг сўзларини келтирмоқда Kun.uz мухбири.

У аввалроқ коронавирус билан боғлиқ вазият мураккаблашгани ҳақида маълумот берган эди.