Марказий банк валюта айирбошлаш банкоматини излаш бўйича телеграм ботни ишга туширди

Марказий банк томонидан автоматлаштирилган валюта айирбошлаш банкоматларининг жойлашув манзили бўйича @uz_avtovash_bot телеграм боти ишга туширилди. 

Регулятор хабарига кўра, бу жисмоний шахсларга валюта айирбошлаш операцияларини амалга оширишда янада қулай шарт-шароитлар яратиш мақсадида қилинди.

Қайд этилишича, ушбу бот орқали 24/7 режимда ишловчи автоматлаштирилган валюта айирбошлаш банкоматларини банклар ва ҳудудлар кесимида излаш (шаҳар ва туман бўйича) имконияти мавжуд. 

Банкоматлар жойлашган манзиллар тўғрисидаги маълумотлар доимий янгиланиб турилади, дейилади маълумотда.