Қўшимча функционаллар
-
Тунги кўриниш
Украина НАТОда кенгроқ имкониятларга эга бўлди
НАТОнинг кенгайтирилган имкониятлар дастури 2014 йилда йўлга қўйилган. Унинг мақсади — ҳамкор мамлакатлар қуролли кучларининг альянс қўшинлари билан оператив мувофиқлигини кучайтириш.
Фото: NATO
Украина НАТОнинг кенгайтирилган имкониятларга эга ҳамкорига айланди, деб хабар қилди мамлакат ташқи ишлар вазири Дмитрий Кулеба.
«Ўша кун келди. Мен альянсдаги ҳамкорларимиздан чексиз миннатдорман, улар туфайли бу қарор амалга ошди», — деб ёзди у твиттерида.
Украина НАТОнинг дастур ва машғулотларида қатнашиш учун кенгроқ имкониятларга эга бўлади, дейилади альянс баёнотида.
ZN.ua нашрининг қайд этишича, кенгайтирилган имкониятлар ҳамкорлиги НАТОга аъзо бўлиш истиқболини кўзда тутмайди.
НАТОнинг кенгайтирилган имкониятлар дастури 2014 йилда йўлга қўйилган. Унинг мақсади — ҳамкор мамлакатлар қуролли кучларининг альянс қўшинлари билан оператив мувофиқлигини кучайтириш. Украинадан ташқари, Австралия, Грузия, Иордания, Финляндия ва Швеция НАТОнинг кенгайтирилган имкониятларга эга ҳамкори ҳисобланади.
Мавзуга оид
07:50
Германияда Украинага ҳарбий ёрдам кўрсатиш ғоясини қўллаб-қувватлаш пасаймоқда
17:58 / 11.11.2024
Британия ва Франция Байденни Украина Storm Shadow ракеталаридан фойдаланишига рухсат беришга кўндирмоқчи
09:00 / 11.11.2024
Киев: Трамп инаугурациясигача «тинчлик режалари» ҳақидаги гаплар асоссиз
08:19 / 11.11.2024