Туркманистон халқаро авиарейслар бекор қилинишини яна бир ойга узайтирди

“Туркманистон ҳаво йўллари” авиакомпанияси коронавирус пандемияси сабабли барча халқаро авиарейслар бекор қилинишини яна бир ойга – 20 июлгача узайтирди.

Жумладан, Ашхободдан Истанбул, Москва, Санкт-Петербург, Қозон, Минск, Олмаота, Франкфурт-Майн, Бирмингем, Амритсар, Деҳли, Дубай, Абу-Даби, Пекин ва Бангкокга ҳамда ортга рейслар бекор қилинади.

Шу сабабли авиакомпания бекор қилинган рейслар йўловчиларига “чипталарни қайтариш бўйича аризани расмийлаштиришни ёки парвозлар қайта йўлга қўйилишини кутиб, чипталарни энг яқин қулай рейсларга қайта бронлашни” таклиф қилган.

Аввалроқ авиакомпания барча халқаро авиарейсларни 20 июнгача бекор қилганди.

Туркманистонда айни вақтда коронавирусга чалиниши ҳолатлари расман қайд этилмаган.

Тайёрлаган Шуҳрат Раҳимов

#Туркманистон #халқаро авиарейслар

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.