Қўшимча функционаллар
-
Тунги кўриниш
50 фоиздан кўп ўқувчиси ОТМга кирган мактаб директори ХТВ томонидан ҳимояланади. Вазирлик билан келишмасдан ҳеч ким уларни лавозимидан бўшата олмайди
Юқори натижа кўрсатган умумтаълим мактаблари директорлари ва уларнинг ўринбосарлари билан тузилган меҳнат шартномаларини бекор қилиш Халқ таълими вазирлиги билан келишилган ҳолда амалга оширилади.
Халқ таълими вазирининг “Умумтаълим мактабларининг ўрнак кўрсатган раҳбар ходимларини янада қўллаб-қувватлаш чора-тадбирлари тўғрисида”ги буйруғи қабул қилинди.
Буйруқ билан умумтаълим мактабларида таълим сифати ва самарадорлигини ошириш бўйича юқори натижаларга эришган, битирувчиларнинг камида 50 фоизи олий таълим муассасаларига ўқишга кирган умумтаълим мактаблари директори, директорнинг ўқув ишлари ва ихтисослашган фанлар бўйича ўринбосарларининг дахлсизлигини таъминлаш ва фаолиятини қўллаб-қувватлаш мақсадида тегишли чоралар белгиланди.
Жумладан, юқори натижаларга эришган мактабларнинг директорлари билан тузилган меҳнат шартномаларини бекор қилиш Халқ таълими вазирлиги билан келишилиб, мактаб директорининг ўқув ишлари ва ихтисослашган фанлар бўйича ўринбосарлари билан тузилган меҳнат шартномаларини бекор қилиш ҳудудий бошқармалари томонидан белгиланган тартибда амалга оширилади (Меҳнат кодексининг 106-моддасига асосан меҳнат шартномасининг бекор қилиниши бундан мустасно).
Бундан ташқари, умумтаълим мактаблари раҳбар ходимлари вазирликнинг тегишли тармоқ мукофотлари билан тақдирланади ҳамда уларнинг номзоди келгусида юқори раҳбарлик лавозимларига захирага олинади.
Мавзуга оид
20:36 / 22.04.2026
Юқори Чирчиқда ўқувчи қизга шилқимлик қилган мактаб директори 5 суткага қамалди
12:09 / 30.10.2025
Фарғонада шундай директор бор: у 2500 ўқувчини ҳар куни эшик олдида ўзи кутиб олади
22:14 / 11.09.2025
Тошкентда ўқувчилар олдида ўқитувчиларни ҳақорат қилган мактаб директори ишдан бўшатилди
12:31 / 08.04.2025