Чилонзор туман ҳокимлиги бўлим бошлиғи катта миқдорда пора олаётганда қўлга тушди
Тошкент шаҳар Чилонзор тумани ҳокимлиги бўлим бошлиғи тадбиркорга ерга эгалик ҳуқуқини расмийлаштириб бериш учун 50 минг доллар пора олаётганида қўлга олинди.
Ҳуқуқни муҳофаза қилиш органларидаги манбаларнинг Kun.uz’га тасдиқлашича, ҳокимлик вакили тадбиркорга 1 гектар ерга эгалик ҳуқуқини расмийлаштириб бериш эвазига 1,4 миллион АҚШ доллари сўраган.
Маълум қилинишича, давлат хизматчиси 25 июнь куни ДХХ томонидан ўтказилган тадбир давомида ушланган.
Қайд этилишича, қўлга олинган шахсга нисбатан Жиноят кодексининг 210-моддаси («Пора олиш») бўйича жиноят иши очилган. Тергов ҳаракатлари давом этмоқда.
Бу ҳақда расмий маълумот берилганича йўқ.
Эслатиб ўтамиз, ўтган ҳафта Тошкент вилоятидаги туманлардан бирининг ҳокими ўринбосари 25 минг доллар пора олаётган вақтда қўлга олингани маълум бўлган эди. Ушбу ҳолатда ҳам мансабдор шахснинг шахси ва аниқ иш жойи очиқланмаганди.
Мавзуга оид
21:10 / 20.09.2024
Пора билан ушланган Даштобод станцияси бошлиғи илгари судланмагани айтилди
11:41 / 20.09.2024
Даштобод темирйўл станцияси бошлиғи пора олган вақтида ушланди
19:53 / 10.09.2024
Коррупцияга қўл урган 566 нафар шахс давлат ишига қайтадан кириб, яна коррупцияга қўл урган
19:02 / 09.09.2024