Бу йўллар, абгор йўллар... Хоразмдаги йўл қачон таъмирланади?

Хизмат сафари билан Хоразм вилоятида бўлган Kun.uz тасвирга олиш гуруҳи Қўшкўпир туманидан тушган мурожаатларни ўрганиш чоғида туманнинг Хонобод қишлоғига олиб борувчи йўлдаги ҳолатга гувоҳ бўлди.

Олинган тасвирлардан ҳам кўриш мумкинки, Қўшкўпир туманининг аҳоли зич жойлашган аҳоли пунктларига олиб борувчи серқатнов йўл жуда абгор ҳолатда. Бир неча километрга чўзилган йўл ўн йиллар ичида таъмирланмагани яққол кўриниб турибди.

Транспорт воситалари ҳайдовчилари йўл четига чиқиб ҳаракатланишга мажбур бўлишмоқда.

Бу эса йўл ҳаракатининг бошқа иштирокчилари ҳаётига хавф туғдирмоқда. Маҳаллий аҳоли мутасаддиларнинг муаммога эътибор қаратишидан умидвор.