Қўшимча функционаллар
-
Тунги кўриниш
Тожикистонлик аскар ҳарбий хизматдан қочиш учун 17та тошни ютди
Тожикистонлик оддий аскар Отабек Ибрагимов ҳарбий хизматдан қочиш учун 17та тошни ютди. Бу ҳақда ҳарбий суд маълумотига таяниб, «Ахбор» янгиликлар сайти хабар тарқатди.
Фото: Novosti.tj
Маълум қилинишича, Отабек Ибрагимов 2019 йил ноябрь ойида Турсунзода шаҳрига ҳарбий хизматга чақирилган. Бироқ ҳарбий хизмат шароитига чидай олмаган ва ундан қутулишни мақсад қилган йигит орадан 1,5 ой ўтгач, 7та тошни ютиб юборган.
Шундан сўнг Тожикистон Мудофаа вазирлигининг ҳарбий шифохонасига ётқизилган. Даволаниш чоғида аскар яна 10та тошни ютиб юборган.
Тожикистон Республикаси Жиноят кодексининг 376-моддасига асосан, ўзига қасддан шикаст етказиш орқали ҳарбий хизматдан бўйин товлаганлик учун 5 йилгача озодликдан маҳрум қилиш, уруш шароитида эса 8 йилдан 20 йилгача озодликдан маҳрум қилиш жазоси кўзда тутилган.
Душанбе шаҳри гарнизони ҳарбий суди Отабек Ибрагимовни 376-моддада кўзда тутилган жиноятни содир қилганликда айбдор деб топиб, 2 йил муддатга озодликдан маҳрум қилди.
Мавзуга оид
08:30 / 02.11.2024
NYT: Украинада 6-12 ой жанг қилиш учун етарлича аскар бор
19:32 / 31.10.2024
Тожикистон президенти ижтимоий тармоқлардаги «лайк» учун одамларни таъқиб қилмасликни талаб этди
14:16 / 31.10.2024
Тожикистонда Counter Strike ва GTA видеоўйинларини тақиқлаш таклиф қилинди
15:00 / 19.10.2024