Сербия ва Черногория фуқаролари Евроиттифоқ ҳудудига киритилмайди

Фото: DPA

Хитой фуқаролари европаликларга Хитойга киришга рухсат берилган тақдирдагина Евроиттифоқ ҳудудига эркин киришлари мумкин бўлади.

Эндиликда Сербия ва Черногория фуқаролари Евроиттифоқ ҳудудига кира олмайди. Бунга ушбу мамлакатларда коронавирус юқтириш ҳолатлари ўсгани сабаб қилиб кўрсатилмоқда.

Бундан буён ЕИ ҳудудига фақат 12 мамлакат – Жазоир, Австралия, Канада, Грузия, Япония, Марокаш, Янги Зеландия, Руанда, Жанубий Корея, Таиланд, Тунис ва Уругвай фуқаролари кира олиши мумкин, деб маълум қилди Евроиттифоқ кенгаши.

Хитой ҳам хавфсиз мамлакатлар ҳудудидан ўрин олган, аммо бу мамлакат фуқаролари европаликларга Хитойга киришга рухсат берилган тақдирдагина Евроиттифоқ ҳудудига эркин киришлари мумкин бўлади.

Брюссель хавфсиз мамлакатлар рўйхатини яна икки ҳафтадан кейин янгилайди.

Июль бошларида ЕИ 14 мамлакат фуқароларига Евроиттифоқ ҳудудига киришга рухсат берганди.

Тайёрлаган Дилшод Аскаров

#ЕИ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.