Қўшимча функционаллар
-
Тунги кўриниш
Беларусда ишчилар Лукашенкога қарши иш ташлаш ўтказишларини эълон қилишди
Иш ташлаш 10 августдан 11 августгача ўтказилади, агарда сайловда Лукашенко ғалаба қозонадиган бўлса, муддатсиз миллий иш ташлаш бошланади.
Фото: Сергей Гриц / AP
Беларусдаги корхоналар ишчилари мамлакат президенти Александр Лукашенкога қарши иш ташлаш ўтказишмоқчи. Бу ҳақда NEXTA Live Telegram-канали хабар берди.
Хабарда айтилишича, «Брестжилстрой» корхонаси ишчилари иш ташлаш ўтказишларини эълон қилишган. Улар ҳалол ва шаффоф президентлик сайлови ўтказилишини, сиёсий маҳбусларнинг озодликка чиқарилиши ҳамда уларга қўйилган айбловлар олиб ташланишини талаб қилишган.
Иш ташлаш 10 августдан 11 августгача ўтказилади, агарда сайловда Лукашенко ғалаба қозонадиган бўлса, муддатсиз миллий иш ташлаш бошланади. Солигорскдаги шахтёрлар, «Гродно Азот» филиали ва яна бошқа корхоналар ишчилари ҳам иш ташлаш ўтказишларини эълон қилган.
Беларусда 9 августда президентлик сайловлари ўтказилади. Сиёсий мухолифларнинг таъқиб қилинишларига қарши мамлакатда ва унинг ташқарисида норозиликлар билдирилмоқда.
Лукашенко Беларусда инқилоб уюштиришни хоҳлашмоқда деган фикрда. У хориж кучлари сайловолди кампаниясига аралашаётганидан шикоят қилган.
Мавзуга оид
00:51
Boeing ходимлари иш ташлашни тўхтатди ва корпорациянинг янги шартларини қабул қилди
17:13 / 30.10.2024
BMW, Mercedes, Porsche ва бошқа немис компанияларида умуммиллий иш ташлаш бошланди
23:10 / 12.10.2024
Boeing иш ташлашлар фонида 17 минг иш ўрнини қисқартиради
00:20 / 22.09.2024