Twitter Трампнинг коронавирусга қарши дори борлиги ҳақидаги твитини ўчириб ташлади

Фото: Reuters

Twitter ижтимоий тармоғи АҚШ президенти Дональд Трампнинг коронавирусга қарши дори борлиги ҳақидаги хабарини ўчириб ташлади. Бу ҳақда NBC News телеканали хабар бермоқда.

Трамп "COVID’га қарши дори бор. Уйғон, Америка" деб ёзганди.

Twitter ушбу хабар ижтимоий тармоқнинг "COVID-19 мавзуси бўйича дезинформация борасидаги сиёсатига тўғри келмаслиги"ни маълум қилган.

Шунингдек, ижтимоий тармоқ АҚШ президентининг ўғли кичик Дональд Трампнинг тиббиёт экспертлари коронавирусдан даволаш учун гидроксихлорохиндан фойдаланишни муҳокама қилишаётгани акс этган видеоёзув репостини ҳам ўчириб ташлади.

Twitter вакили буни "одамларни чалғитувчи ва коронавирус билан боғлиқ зарарли ахборот тарқатилиши" деб изоҳлади.

Twitter май ойида ҳам Трампнинг постларидан бирини ишончли эмас деб қайд этган ва унинг остига махсус белги қўйганди.

Тайёрлаган Дилшод Аскаров

#Дональд Трамп #Twitter

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.