Сюзанне Йонанинг сўзларига кўра, касалликка қарши дори топилмагунича гигиена қоидаларига қатъий амал қилишда давом этиш лозим.
Marburger Bund немис шифокорлари иттифоқи раҳбари Сюзанне Йона Германияда коронавирус пандемиясининг иккинчи тўлқини бошланди деб ҳисобламоқда. Бу ҳақда Augsburger Allgemeine нашри хабар берди.
"Биз секин кўтарилаётган иккинчи тўлқинда турибмиз", - деди Йона.
Унинг сўзларига кўра, касалликка қарши дори топилмагунича гигиена қоидаларига қатъий амал қилишда давом этиш лозим.
"Ҳаммамиз одатий ҳаётга қайтишни орзу қиляпмиз. Аммо одатий бўлмаган вазиятда турибмиз", - деди у.
Аввалроқ Саксония федерал ери бош вазири Михаэль Кретчмер мамлакатда коронавируснинг иккинчи тўлқини бошлангани, лекин Германиядаги сиёсатчилар бу ҳақда эҳтиёткорлик билан гапираётганини айтганди.
Роберт Кох институти маълумотларига кўра, Германияда коронавирус юқтириш билан боғлиқ 211 281та ҳолат қайд этилган, 9 156 киши вафот этган.
