Нукус тумани марказидан янгидан шифохона биноси қурилмоқда. Туман ҳокимлигининг Kun.uz'га маълум қилишича, лойиҳанинг умумий қиймати 12 миллиард 665 миллион сўмни ташкил этади.
Ҳозирги пандемия даврида «Каракалпакстроймонтуправление» МЧЖ томонидан қурилиш ишларининг тўртинчи босқичи давом этаётган бу лойиҳанинг замонавий тиббий дастгоҳлар билан жиҳозланган 3 қаватли биносида қурилиш монтаж ишлари бошланган.
Бу даволаш муассасаси 130 ўринга мўлжалланган 4 та блокдан иборат махсус шифохона ҳисобланади.
1-блок — қабул бўлими;
2-блок — лаборатория, жарроҳлик зали, жонлантириш бўлими;
3-блок — туғруқ бўлими;
4-блок — болалар ва терапия бўлимларини жойлаштириш назарда тутилган.
Эслатиб ўтамиз, аввалроқ Нукусда 2000 ўринга мўлжалланган коронавирусли беморлар учун махсус даволаш марказлари, махсус карантин зонаси ташкил этилаётгани ҳақида хабар берилган эди.
