«Хоразм ҳудудий электр тармоқлари» АЖ: туманлардаги корхоналаримизга 15та Damas автомашиналари топширилди

Ҳар қандай соҳа фаолиятида техникаларни ўрни катта. Шу сабабдан иш унумдорлигини ошириш учун аввало, ходимларга етарлича шароит, техника воситалари зарур. Куни кеча «Хоразм ҳудудий электр тармоқлари» АЖ ҳам жамиятнинг давлат шартномавий хизматларидан олинган фойда ҳисобига 15 та ўзимизда ишлаб чиқарилган Damas русумли автомашиналарни туманлардаги аварияли ишларни бартараф этиш учун тезкор диспетчерлик хизмати бўлимлари ҳамда АЭСКУЭНИ татбиқ қилиш ва ҳисоблагичлар эксплуатацияси гуруҳларига  топширилди.

Эндиликда, ушбу машиналар электр энергиясидаги узилишларни янада тезкорлик билан бартараф этилиши ва аҳолига янада сифатли электр энергияси етказиб бериш учун хизмат қилади.

Аввалроқ эса, яъни 2019 йил якунида 6 та туман электр таъминоти корхоналари раҳбарларига сўнгги русумдаги Nexia 3 автомашиналари топширилган эди. Жамият томонидан қолган 6 та туман раҳбарларига ҳам тез кунларда сўнгги русумдаги енгил автомашиналар топширилиши мўлжалланмоқда. 

«Хоразм ҳудудий электр тармоқлари» АЖ Матбуот хизмати