Қўшимча функционаллар
-
Тунги кўриниш
АҚШ Мексика ва Канада билан чегараларини 21 сентябргача очмайди
Канада жамоат хавфсизлиги вазири Билл Блэр АҚШ жануби-ғарбида коронавирус юқтириш ҳолатлари ўсаётганлигини ҳисобга олиб, бу ғояни қўллаб-қувватлашини билдирди.
АҚШ ички хавфсизлик вазирлиги котиби вазифасини бажарувчи Чад Вульф Мексика ва Канада билан чегаралар 21 сентябргача очилмаслигини маълум қилди. Бу ҳақда Travel and Leisure хабар бермоқда.
АҚШ ҳукумати чегараларни 18 март куни ёпганди.
Канада жамоат хавфсизлиги вазири Билл Блэр АҚШ жануби-ғарбида коронавирус юқтириш ҳолатлари ўсаётганлигини ҳисобга олиб, бу ғояни қўллаб-қувватлашини билдирди.
Бунда юк машиналари ҳайдовчилари, тиббиёт ходимлари ва авиакомпаниялар экипажларига чегарани кесиб ўтишга рухсат берилади. Шунингдек, уйларига қайтаётган америкаликлар ёки канадаликлар учун ҳам чегаралар ёпилмайди.
Хпкинс университети маълумотига кўра, АҚШда коронавирус юқтириш билан боғлиқ 5,5 миллиондан ортиқ ҳолат қайд этилган.
Мексикада бу рақам 522 мингга, Канадада эса 124 мингга етган.
