Ўзбекистонда июль ойида ўлим кўрсаткичи сезиларли ошиши қайд этилди

Давлат статистика қўмитаси 2020 йилнинг 7 ойи давомида қайд этилган ўлим ҳолатлари статистикаси бўйича маълумот берди, деб ёзади ЎзА.

Фото: Depositphotos

Унга кўра, 2020 йил январь-июль ойларида 92 026 киши вафот этган бўлса, июль ойида айниқса кўпроқ ўлим қайд этилган.

Январь – 11 136
Февраль – 13 693
Март – 12 633
Апрель – 11 613
Май – 11 792
Июнь – 13 790
Июль – 17 369

«Жорий йил 6 ой давомида қайд этилган ўлимлар сони 2019, 2018 йиллардаги 6 ой кўрсаткичига нисбатан камроқ. Жумладан, жорий йилнинг 6 ойида (январь-июнь) 74 657 та ўлим қайд этилган бўлса, 2018 йилнинг 6 ойи давомида 75,6 минг, 2019 йилнинг биринчи ярмида 75,8 мингта ўлим ҳолати ҳисобга олинган», – дейилади хабарда.

Статистикага кўра, 2020 йилнинг 6 ойи давомида ойига ўртача ўлим кўрсаткичи 12,4 минг, 7 ой давомида эса 13,1 мингга тенг бўлган. Таққослаш учун, 2019 ва 2018 йиллар мобайнида умумий ўртача кўрсаткич ойига 12,9 мингни ташкил этган.