Қирғизистон 31 давлат фуқароларига мамлакатга киришга рухсат берди  

Ушбу рўйхатга коронавирусга чалинганлар сони камаяётгани ва эпидемиологик вазият барқарорлашаётгани кузатилаётган давлатлар киритилган. 

Рўйхатдан қуйидаги давлатлар жой олган:

• Собиқ иттифоқ давлатларидан: Грузия, Озарбойжон, Арманистон, Беларусь, Қозоғистон, Туркманистон, Латвия, Литва;
• Европа давлатларидан: Бельгия, Австрия, Британия, Германия, Ирландия, Исландия, Италия, Лихтенштейн, Люксембург, Португалия, Словения, Туркия, Швейцария, Швеция;
• Яқин Шарқ давлатларидан: Қатар, Кувайт, БАА;
• Осиё давлатларидан: Хитой, Малайзия, Жанубий Корея, Покистон, Япония.

Ушбу рўйхат Қирғизистон соғлиқни сақлаш вазирлигининг 20 августдаги буйруғига кўра қайта кўриб чиқилган. 

Охирги маълумотларга кўра, Қирғизистонда коронавирусга чалинганлар сони 42 мингдан кўпроқни, ундан вафот этганлар сони 1500 га яқинни ташкил қилмоқда.