Қўқонда «Captiva» сотиб олмоқчи бўлган фуқаро 22800 долларга алданди

Фирибгар ҳозир қамоқда.

2019 йилнинг декабрь ойида С.Х. С.У.нинг ишончига кириб, ўзининг номида бўлмаган «Captiva» автомобили ўзиники эканини ва унинг номига расмийлаштириб беришини айтиб, алдов йўли билан автомобилни 22 800 АҚШ долларига сотиб, берган ваъдасини бажармасдан пулларни ўз эҳтиёжларига сарфлаб юборган.

Фарғона вилоят ИИБдан хабар қилишларича, ҳолат юзасидан Қўқон шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси 4-қисми »а» банди (фирибгарлик) билан жиноят иши қўзғатилиб, унга нисбатан суд томонидан «қамоққа олиш» тарзидаги эҳтиёт чораси қўлланилган.

Эслатиб ўтамиз, Жкнинг 168-моддаси 4-қисмидаги жиноят учун санкция ўн йилгача озодликдан маҳрум қилишни кўзда тутади.

#Қўқон #Captiva