ССВ: Коронавирусдан даволанаётганлар сони 3 мингдан камайди, даволаниш кўрсаткичи 92 фоизга чиқди

Хабар қилинишича, кун давомида 638 бемор соғайиб, 5 киши вафот этди. Тузалганлар 37 200 нафар, қурбонлар 298 нафарни ташкил этмоқда.

Айни пайтда даволанаётганлар сони 3 мингдан камайиб, 2949 нафарга тушди.

Янги ҳолатлар (+393)

Вазирлик хабарига кўра, янги ҳолатларнинг барчаси тана ҳарорати кўтарилгани боис профилактика мақсадида тест топширган ва коронавирусга чалинган беморлар билан мулоқотда бўлгани сабабли намуна олинган фуқаролар орасида аниқланган.

• Тошкент шаҳри – 241
• Тошкент вилояти – 93
• Самарқанд вилояти – 27
• Қашқадарё вилояти – 15
• Бухоро вилояти – 5
• Андижон вилояти – 4
• Навоий вилояти – 3
• Сурхондарё вилояти – 3
• Фарғона вилояти – 2

Тузалганлар (+638)

40 447 бемордан 37 200 нафари соғайиб, даволаниш кўрсаткичи биринчи марта 92 фоизга етди.

• Тошкент шаҳри – 458 нафар
• Тошкент вилояти – 126 нафар
• Самарқанд вилояти – 18 нафар
• Бухоро ва Қашқадарё вилоятлари – 7 нафардан
• Андижон, Наманган ва Сурхондарё вилоятлари – 5 нафардан
• Фарғона вилояти – 3 нафар
• Қорақалпоғистон Республикаси ва Навоий вилояти – 2 нафардан.

Ўлим ҳолатлар (+5)

Беш киши вафот этди, уларнинг барчаси – эркаклар. Расмий статистикада қайд этилган ўлимлар сони 298тага етди. Ўлим кўрсаткичи расман 0,7 фоиз бўлиб қолмоқда.

• Яшнобод туманида яшаган 70 ёшли А.М. (эркак)
• Чилонзор туманида яшаган 83 ёшли А.А. (эркак)
• Касби туманида яшаган 45 ёшли Ғ.Ҳ. (эркак)
• Миришкор туманида яшаган 36 ёшли Қ.Р. (эркак)
• Қарши шаҳрида яшаган 50 ёшли Б.Х. (эркак)

Айни пайтда даволанаётган 2 949 бемордан 279 нафари оғир, 133 нафари эса ўта оғир аҳволда.