Тошкентда хонадонга шахта орқали кириб, ўғирлик содир этган шахс аниқланди 

18 август куни Миробод тумани ички ишлар органларига 37 ёшли М.С. мурожаат қилган, деб ёзмоқда Тошкент шаҳар ИИББ ахборот хизмати.

Қайд этилишича, у хонадонидан 11.500.000 сўм ва 3.600 АҚШ доллари йўқолгани ҳақида хабар берган. 

Мазкур факт асосида Ўзбекистон Республикаси Жиноят кодексининг 169-моддаси (“Ўғрилик”) бўйича жиноий иш қўзғатилди. 

Кўрилган чоралар давомида ўғриликда гумонланувчи шахс 39 ёшли Ғулом У. эканлиги аниқланди. 

Тергов давомида маълум бўлишича, Ғулом У. хонадонга шахта орқали кирган. Тергов давом этмоқда.