Saudi Aramco яна дунёнинг энг қиммат компаниясига айланди

Бу эса АҚШ компаниясининг капиталлашуви 2 трлн доллардан тушиб кетгани ва тахминан 1,942 трлн долларни ташкил қилаётганини англатади. Натижада Apple дунёнинг энг қиммат компаниялари рейтингида 2-ўринга тушиб кетиб, яна энг юқори поғонани Саудия Арабистонининг давлат нефть компанияси Saudi Aramco’га бўшатиб берди. Айни вақтда Saudi Aramco қиймати 2,11 трлн  долларни ташкил қилмоқда.  

Apple билан бир қаторда бошқа технологик компаниялар акциялари ҳам арзонлашмоқда. Bank of America мутахассиси Майкл Хартнеттнинг таъкидлашича, Facebook, Apple, Amazon, Microsoft ва Alphabet каби гигантлар акциялари нархи жуда ошириб юборилгани сабабли IT-компаниялар акциялари арзонлашган нархда сотилиши муқаррар эди.

Унинг таъкидлашича, IT-компаниялар акцияларининг кескин қадрсизланиши яқин ҳафталарда ҳам давом этиши мумкин, бироқ АҚШ президенти сайловлари олдидан бозор яна тикланади. 

Apple ва бутун технологик сектор котировкалари учинчи кун тушишда давом этмоқда. 3 сентябрдаги савдоларнинг ўзида Apple’нинг бозор қиймати 180 млрд долларга қисқарган ва бу фонд бозори тарихидаги антирекорд ҳисобланади.