Хитойда бир суткада коронавирус юқтириш билан боғлиқ 51та ҳолат аниқланди

Хитойда ўтган йил декабрдан буён 4634 киши коронавирус қурбони бўлган, 85 102 киши касалликка чалинган.

Фото: Reuters

Хитойда ўтган суткада 51та COVID-19га чалиниш ҳолати аниқланди. Бу ҳақда Хитой соғлиқни сақлаш давлат қўмитаси хабар берди.

Хабарда айтилишича, касаллик 25 беморда фаол кўринишда ва 26 беморда симптомсиз шаклда бўлган. Барча ҳолатлар хориждан келганларда аниқланганлиги айтилмоқда.

Хитойда ўтган йил декабрдан буён 4634 киши коронавирус қурбони бўлган, 85 102 киши касалликка чалинган.

Шунингдек, Ҳонгконгда 4 838, Макаода 46 ва Тайванда 489та ҳолат қайд этилган.

Тайёрлаган Дилшод Аскаров

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.