Қўшимча функционаллар
-
Тунги кўриниш
Жаҳон | 22:32 / 17.09.2020
4658
1 дақиқада ўқилади
Вьетнамда тўфон сабабли 550 мингдан кўпроқ кишини эвакуация қилишга тайёрланмоқда
Вьетнам ҳукумати марказий провинцияларда яшовчи 550 мингдан кўпроқ кишини мамлакатга “Ноул” тўфони яқинлашаётгани сабабли эвакуация қилишга тайёрланмоқда. Тўфон мамлакат соҳилларига яқин соатларда ёпирилиши кутилмоқда.
Фото: AFP / архив
Тўфон Вьетнам соҳилларига 18 сентябрь маҳаллий вақт билан соат 10лар атрофида етиб келади. Ундаги шамол тезлиги ўртача 100-135 км/соатга, кучайганда эса 180 км/соатгача етиши кутилмоқда.
Тўфон ўзи билан бирга кучли ёмғирлар олиб келади, 200-300 мм ёғингарчилик тушиши ҳамда тошқинлар ва кўчкиларга олиб келиши мумкин.
Вьетнам бош вазири ўринбосари Трин Динь Зунг провинциялар маъмуриятлари билан фавқулодда йиғилиш ўтказиб, уларни тўфон оқибатларига тезкорлик билан жавоб беришга чақирган.
