АҚШ Эронга қарши санкцияларни тиклади. Помпео бунга норози давлатлар жазоланишидан огоҳлантирди

АҚШ давлат котиби Майк Помпео БМТнинг норозилигига қарамай, унинг Эронга қарши санкциялари яна кучга кирганини эълон қилди. Унинг таъкидлашича, санкцияларни амалга ошириш бўйича ўз мажбуриятларига амал қилмайдиган давлатлар яқин кунларда Вашингтоннинг бир томонлама ҳаракатлари билан жазоланади. 

“Бугун АҚШ БМТ томонидан террорчилик ва антисемитизмнинг бош ҳомийси бўлган Эронга қарши аввал бекор қилинган деярли барча санкциялар қайтарилишини қутлайди”, деб айтилган Помпео баёнотида.

АҚШ давлат котиби БМТ санкциялари халқаро ташкилотнинг тартиб-қоидалари бўйича тикланганини қўшимча қилган. Бироқ БМТ Хавфсизлик кенгаши ва Эрон билан келишувларга аъзо давлатлар бундай ҳисобламаяпти.  

“АҚШ БМТга аъзо қолган давлатлар бу чораларни амалга ошириш бўйича барча мажбуриятларига риоя қилади, деб кутиб қолади. Қурол етказишга эмбаргога қўшимча равишда бу чекловлар Эронга уранни бойитишда иштирок этишни, Эрон томонидан баллистик ракеталар синови ва ишлаб чиқилишига тақиқларни, атом ва ракеталар билан боғлиқ технологияларни беришга қарши санкцияларни ўз ичига олади”, деб маълум қилган Помпео. 

Давлат котиби бирор-бир давлат ушбу санкцияларга рози бўлмаса, АҚШ бу давлатни жазолашидан огоҳлантирган. Унинг таъкидлашича, ушбу санкциялар “дунёда тинчлик ва хавфсизликка эришишда қадам бўлади”.

“2015 йилги ядро келишуви Эронни ваъда қилганидек миллатлар ҳамжамиятига қўшилишга ундамади. Бунинг ўрнига бу муллалар [оятуллоҳлар] янги бойликдан фойдаланиб, уни Ямандан Ироққача ва Ливандан Суриягача ўлим ва вайронгарчиликлар уруғини сочишга ишлатди”, деб айтган Помпео.

АҚШнинг таъкидлашича, БМТнинг Эронга қарши санкциялари тикланиши ҳақида хабардор қилиш ушбу чекловлар автоматик равишда тикланиши учун етарли ҳисобланади. Бироқ Теҳрон билан тузилган келишувлар иштирокчилари АҚШнинг бу билдиргиси ҳуқуқий асосга эга эмаслиги ва санкциялар тикланмаслигини айтишган. 

БМТ Хавфсизлик кенгашига аъзо давлатларнинг аксарияти АҚШнинг санкцияларни тиклашига қарши чиқмоқда. Эрон билан ядро келишуви иштирокчиларининг таъкидлашича, Вашингтон ушбу келишувдан чиқиб кетгани сабабли, санкцияларни қайтаришга ҳақли эмас.